ÜÇÜNJI BÖLÜM YSLAM DINI

Bu bölüm İhlas Vakfı Hakikat Kitabevi neşirýatynyň taýýarlan “Tam İlmihâl Se’âdet-i Ebediyye”, “Herkese Lâzım Olan Îmân”, “İslâm Ahlâkı”, “Kıyâmet ve Âhiret” we “Namâz Kitabı” atly kitaplaryndan saýlanyp taýýarlandy. Yslam dini – Allahu tagalanyň Jebraýyl atly perişde arkaly söýgüli Pygamberi Muhammet aleýhisselama iberen, ynsanlaryň dünýäde we ahyretde rahat we bagtly bolmagyny üpjün edýän esaslary we düzgünleridir.

Ähli artykmaçlyklar, peýdaly zatlar yslamyň içindedir. Yslam öňki dinleriň görünýän-görünmeýän ähli ýagşylyklaryny özünde jemläpdir. Ähli bagt, ähli üstünlikler ondadyr. Ol ýalňyşmaýan, azaşmaýan akyllaryň kabul etjek esaslaryndan we ahlakdan ybaratdyr. Ýaradylyşynda kemçiligi bolmadyklar ony ret etmeýärler we ondan ýigrenmeýärler. Yslamyň içinde hiç bir zyýan, daşynda hiç bir peýda ýokdur we bolup hem bilmez. Yslamdan daşarda peýda gözlemek – serapdan suw içmäge garaşmak ýalydyr. Yslam ýurtlary abat etmegi, adamlaryň durmuşyny gowulandyrmagy, olary abadançylyga ýetirmegi buýurýar, Allahu tagalanyň buýruklaryna hormat goýmagy we mahluklara rehimli bolmagy talap edýär. Yslam ekerançylygy, söwdany we hünäri berk buýurýar. Ylma, tebigy ylymlara, tehnika, senagata laýyk bolşy ýaly ähmiýet berýär. Adamlaryň biri-birine kömek etmegini, biri-birine hyzmat etmegini berk talap edýär. Ol öz dolandyryşy astyndaky adamlaryň, perzentleriň, maşgalanyň we halklaryň hukuklaryny we olary nähili dolandyrmalydygyny öwredýär; dirilere, geçenlere, geljeklere garşy hukugy we jogapkärçiligi göz öňünde tutýar. Yslam sagadaty dareýni, ýagny dünýä we ahyret bagtyny özünde jemläpdir. Ol adamlaryň ruhy we maddy abadançylygyny iň kämil görnüşde üpjün etjek ýörelgeleri getiripdir. Ynsanyň hukuklaryny we borçlaryny iň giň görnüşde tertipleşdiripdir. Gysgaça, yslam dininiň iman, ybadat, munakehat (öýlenmek, nika bilimleri), muamelat (alyş-çalyş we jemgyýetçilik durmuşy bilimleri) we ukubat (jenaýat we jeza hukugy) esaslary bardyr.

Hudaý – Rebbim, nebim, hakykatdan, – Muhammet Resulullah,
Dinim – yslam dinidir, kitabym – Kelamullah.
Ynançda mezhebim – Ähli sünnet, hamd bolsun,
Amalda mezhebim – Abu Hanyfa mezhebi, Allaha kasam.
NESIHAT
Ähli sünnet ynanjy, eý ýigit, aşakda
Goşgy bilen saňa aýdyň dil bilen beýan edildi:
Dogry ynanjy isleseň, eý doganym,
Gije-gündiz bu kitaby oka, yhlasly jandan!
Hak tagala rehim etsin Abu Hanyfanyň ruhuna,
Kuran ýoluny görkezdi bize ol beýik Nugman!
Dünýä köňül baglama, ömür suw kimin akar,
Yslama uýan adam hemişe bolar şadyman.

“Yslam sagadaty dareýni, ýagny dünýä we ahyret bagtyny özünde jemläpdir” Seýit Abdylhakym Arwasy (rahmetullahi aleýh)

Ilki ylmyhaly öwren, çagaňa hem öwret;
Din ylmyny öwrenmeseň, soňra bolarsyň puşman!
Seret, duşmanlarymyz nähili mekirlik bilen hüjüm edýär;
Sen hem dini ýaýmak üçin jan et, ýitirme zaman!
Dinsizler ýalan bilen ýaşlary aldaýar,
Yslamy ýok etjekler; indi gaflatdan oýan!
Musulmanlar hem azaşdy, köpüsi duzaga düşdi;
Sözde hemmesi – Ähli gybla, emma aýryldylar hak ýoldan.
Ylmyhaly öwrenmedik özüni gorap bilmez.
Kapyr ýa-da azaşan bolar Ähli sünnetden bolmaýan!
Dogry bilimleri ýaýýanlara kömek et!
Jihadyň sogabyny gazan, munda malyň bolsun rowan.
Resulullah hiç durdumy, sahabalary ukladymy?
Dini ýaýmak üçin hemmesi bolupdy bir gahryman!
Jan et, boş durma sen hem: din duşmany örän güýçli;
Içden-daşdan ezjekler – gider din hem, iman hem.
Sahabalara ýaman söz aýtma, hemmesiniň gadyryny bil,
Biri-birini söýerdiler, muňa şaýatdyr Kuran!
Iň beýigi – Abu Bekir, soňra Omar,
Osman, Aly; Muawiýany hem köp söý – Kurany ýazan oldur!
Rebbimiz jisim däldir, Onuň zamany, mekany ýok;
Ol madda girmez – iman şeýle bolmaly!
Mahluka mätäç däldir, şärigi, meňzeşi ýok;
Her zady ýaradan hem, barlykda saklaýan hem – Oldur.
Gowy-ýaman, iman, küfür, madda, güýç, energiýa –
Hemmesini Ol bar edýär, ynsan hiç ýaradyp bilmez!
Her kime akyl, erk berdi, ýol hem görkezdi,
Kim ýagşylyk dilese, derrew ýaradar Rahman.
Ilki ynanjyňy düzet, buýrugy, gadagany berjaý et;
Bagta ýetip bilmez yslamdan aýrylan!
Gadymdan adat boldy: kim ekse, şol orar;
Örän aldandy, zyýan etdi ekmän bugdaý umýan!
Ýetmiş üç toparyň içinden diňe Ähli sünnet
Gutulýandyr;
Resulullahyň ýoluny bize olar görkezdi!